Buku Téks Biantara jeung Dongéng Sunda diancokeun kanggo murid SD/MI, SMP/MTs, SMA/SMK/MA, ieu dipiharep ngaronjatkeun kamampuh murid dina kamahéran biantara sareng maham dongéng Sunda. Ogé kanggo ngadeudeul atikan basa Sunda di sakola-sakola, margi dumasar kana Perda Provinsi Jawa Barat Nomer 14 Taun 2014 ngeunaan “Perubahan atas Perda Provinsi Jawa Barat Nomer 5 Tahun 2003 tentang Pemeliharaan Bahasa, Sastra, dan Aksara Daerah”. Lintang ti éta, Peraturan Gubernur Jawa Barat Nomer 69 Taun 2013 ngeunaan “Pembelajaran Muatan Lokal Bahasa dan Sastra Daerah pada Jenjang Satuan Pendidikan Dasar dan Menengah”, jeung Keputusan Kepala Dinas Pendidikan Provinsi Jawa Barat Nomer 32817/Pk.05.02/Sekre/2022 ngeunaan “Capaian Pembelajaran Muatan Lokal Bahasa Sunda Jenjang PAUD, SD, SMP, SMA/SMK, SDLB, SMPLB, dan SMALB”. Pangrojong anu ngawewegan kalungguhan basa Sunda minangka salah sahiji basa daérah di Indonésia, tinulis dina kacindekan Hasil Kongrés Bahasa Indonesia (KBI) XII bulan Oktober taun 2023, anu nyebutkeun: “Kami menyadari dan mengakui dengan sepenuh hati bahwa bahasa dan sastra daerah yang tersebar luas di wilayah Negara Kesatuan Republik Indonésia adalah sumber nilai budaya dan kepribadian bangsa Indonesia. Bahasa dan sastra daerah berperan sangat besar dalam pengembangan bahasa dan sastra Indonesia.” Ku kituna, ajén jeung kalungguhan basa Sunda minangka basa daerah diaku sacara nasional, kacida pentingna pikeun ngawangun kapribadian bangsa. Ku kituna, peryogina buku Téks Biantara jeung Dongéng Sunda ieu, sajabi ti diluyukeun sareng matéri anu eusina nyumponan pameredih kurikulum basa Sunda, ogé nyoko kana opat aspék kaparigelan basa nu ngawengku; ngaregepkeun, nyarita, maca, jeung nulis, anu matak ngahudang sumanget murid pikeun diajar motékar jeung macakal. Dina ieu buku tos disayagikeun téks biantara sareng dongéng basa Sundana.